ಕೊಡಗು: ಹಸಿರು ಕಾನನಗಳಿಂದ ಕಣ್ಣು ಕೋರೈಸುವ ಮಲೆ ಪರ್ವತ, ಧುಮ್ಮಿಕ್ಕಿ ಹರಿಯುವ ಜಲಧಾರೆ. ಚಳಿ, ಮಳೆಗಾಲ ಆರಂಭವಾಯಿತ್ತೆಂದರೆ ಹಿಮದ ರಾಶಿಯನ್ನೇ ಹೊದ್ದು ಮಲಗುವ ಬೆಟ್ಟಗುಡ್ಡ. ಇದು ಪ್ರಾಕೃತಿಕ ಸಹಜ ಸೌಂದರ್ಯದಿಂದ ಲಕ್ಷಾಂತರ ಪ್ರವಾಸಿಗರ ಸೆಳೆಯುವ ಪ್ರವಾಸಿ ಜಿಲ್ಲೆ ಕೊಡಗಿನ ಸೌಂದರ್ಯ. ಹೌದು ವಿಶ್ವಮಟ್ಟದಲ್ಲಿ ಕೊಡಗಿನ ಪ್ರವಾಸಿ ತಾಣಗಳು ಗುರುತ್ತಿಸಿಕೊಂಡಿದ್ದು, 2023 ನೇ ಸಾಲಿನಲ್ಲಿ ಭಾರತೀಯರು ಹುಡುಕಾಡಿರುವ ಪ್ರವಾಸಿ ತಾಣಗಳಲ್ಲಿ ಕೊಡಗು ಜಿಲ್ಲೆ ಮೂರನೇ ಸ್ಥಾನದಲ್ಲಿದೆ. ಇದು ಕೊಡಗಿನ ಪ್ರವಾಸೋದ್ಯಮಿಗಳಲ್ಲಿ ಖುಷಿ ಮೂಡುವಂತೆ ಮಾಡಿದೆ. ವಿಶ್ವದ ಟಾಪ್ 10 ಪ್ರವಾಸಿ ತಾಣಗಳನ್ನು ಹುಡುಕಾಡಿರುವುದರಲ್ಲಿ ಕೊಡಗು ಜಿಲ್ಲೆ 7 ನೇ ಸ್ಥಾನದಲ್ಲಿ ಇದೆ.
ವಿಶ್ವದ 10 ಪ್ರಸಿದ್ಧ ಪ್ರವಾಸಿ ತಾಣಗಳಲ್ಲಿ ಭಾರತದ ಮೂರು ರಾಜ್ಯಗಳನ್ನು ಹೆಚ್ಚು ಹುಡುಕಾಡಿದ್ದಾರೆ. ಅದರಲ್ಲಿ ಗೋವಾ 2 ನೇ ಸ್ಥಾನದಲ್ಲಿ ಇದ್ದರೆ, ಕಾಶ್ಮೀರ 6 ನೇ ಸ್ಥಾನದಲ್ಲಿದೆ. ಕೊಡಗು 7 ನೇ ಸ್ಥಾನದಲ್ಲಿದೆ. ಅಂದರೆ ದೇಶದಲ್ಲಿ ಭಾರತದ ಮೂರು ರಾಜ್ಯಗಳು ವಿಶ್ವದ ಟಾಪ್ 10 ರ ಸ್ಥಾನದಲ್ಲಿ ಇವೆ.