ಮೈಸೂರು, ನವೆಂಬರ್ 8, 2025: ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಅವರ ನೇತೃತ್ವದಲ್ಲಿ ನಡೆದ ‘ದಿಶಾ’ (DISHA) ಸಭೆಗೆ ಶಾಸಕ ಜಿ.ಟಿ. ದೇವೇಗೌಡ (ಜಿ.ಟಿ.ಡಿ.) ಅವರು ಗೈರಾಗಿದ್ದ ವಿಚಾರಕ್ಕೆ ಸಂಬಂಧಿಸಿದಂತೆ, ಅವರು ಮೈಸೂರಿನಲ್ಲಿ ಸ್ಪಷ್ಟನೆಯನ್ನು ನೀಡಿದ್ದಾರೆ.
ಶಾಸಕ ಜಿ.ಟಿ. ದೇವೇಗೌಡ ಅವರು ಮಾತನಾಡಿ, “ಕುಮಾರಸ್ವಾಮಿ ಅವರು ರಾಜ್ಯದ ಅಭಿವೃದ್ಧಿಯ ಪರವಾಗಿದ್ದಾರೆ. ಹೀಗಾಗಿ ಅವರು ದಿಶಾ ಸಭೆಯನ್ನು ಕರೆದಿದ್ದರು. ಜಿಲ್ಲಾಧಿಕಾರಿಗಳ ಮೂಲಕ ನನಗೂ ಆಹ್ವಾನ ಬಂದಿತ್ತು. ಇದೇ ರೀತಿ, ರಾಜ್ಯ ಸಚಿವ ಕೃಷ್ಣಭೈರೇಗೌಡರ ಸಭೆಗೂ ಕೂಡ ಆಹ್ವಾನ ಬಂದಿತ್ತು” ಎಂದು ಹೇಳಿದರು.
ದಿಶಾ ಸಭೆಗೆ ಗೈರಾದ ಕಾರಣವನ್ನು ವಿವರಿಸಿದ ಅವರು, “ನಾನು ಬೇರೊಂದು ಕೆಲಸದ ನಿಮಿತ್ತ ಬೆಂಗಳೂರಿಗೆ ಹೋಗಿದ್ದೆ. ಈ ಕಾರಣಕ್ಕೆ ದಿಶಾ ಸಭೆಗೆ ಹೋಗಲು ಆಗಲಿಲ್ಲ” ಎಂದು ತಿಳಿಸಿದರು. ಜಿ.ಟಿ. ದೇವೇಗೌಡರ ಈ ಹೇಳಿಕೆಯು, ಕೇಂದ್ರ ಸಚಿವರ ಸಭೆಗೆ ಗೈರಾದ ಕುರಿತ ಊಹಾಪೋಹಗಳಿಗೆ ತೆರೆ ಎಳೆದಿದೆ.