ಬಿಗ್ ಬಾಸ್ ಕನ್ನಡ ಸೀಸನ್ 10 ಶೋಗೆ ವೈಲ್ಡ್ ಕಾರ್ಡ್ ಎಂಟ್ರಿ ಆಗಿದೆ. ಈ ಶೋ ಶುರುವಾಗಿ 50 ದಿನಗಳು ಕಳೆದ ನಂತರದಲ್ಲಿ ಇಬ್ಬರು ಬಿಗ್ ಬಾಸ್ ಮನೆಯೊಳಗಡೆ ಕಾಲಿಟ್ಟಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿಯು ಹೊಸ ಪ್ರೋಮೋವನ್ನು ರಿಲೀಸ್ ಮಾಡಿದೆ. ಹಾಗಾದರೆ ದೊಡ್ಮನೆಯೊಳಗಡೆ ಕಾಲಿಟ್ಟವರು ಯಾರು?
ವೈಲ್ಡ್ ಕಾರ್ಡ್ ಎಂಟ್ರಿ ಯಾರು?
ಬಿಗ್ ಬಾಸ್ ಮನೆಯೊಳಗಡೆ ಪವಿತ್ರ ಪೂವಪ್ಪ, ಉದಯ್ ಸೂರ್ಯ ಕಾಲಿಟ್ಟಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಉದಯ್ ಸೂರ್ಯ ಬದಲು ಬೇರೆ ಯಾರೋ ದೊಡ್ಮನೆಯೊಳಗಡೆ ಕಾಲಿಟ್ಟ ಹಾಗಿದೆ. ಇನ್ನು ಕಲರ್ಸ್ ವಾಹಿನಿ ಮುಖವನ್ನು ರಿವೀಲ್ ಮಾಡಿಲ್ಲ. ಸೋಶಿಯಲ್ ಮೀಡಿಯಾದಲ್ಲಿ ಪವಿತ್ರ ಪೂವಪ್ಪ, ಉದಯ್ ಸೂರ್ಯ ಎಂಟ್ರಿ ಕೊಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಉದಯ್ ಸೂರ್ಯ ಬಿಗ್ ಬಾಸ್ ಮನೆಯೊಳಗಡೆ ಕಾಲಿಟ್ಟಿರೋದು ಡೌಟ್.
ಪವಿತ್ರ ಪೂವಪ್ಪ ಯಾರು?
ಪವಿತ್ರ ಪೂವಪ್ಪ ಅವರು ಮಾಡೆಲ್ ಆಗಿದ್ದು, ಸಿಕ್ಕಾಪಟ್ಟೆ ಬೋಲ್ಡ್ ಫೋಟೋಶೂಟ್ ಮಾಡಿಸಿದ್ದಾರೆ. ಪವಿತ್ರ ಅವರ ಆಟ ಹೇಗಿರಲಿದೆ ಎಂಬ ಕುತೂಹಲ ಶುರುವಾಗಿದೆ.
ಉದಯ್ ಸೂರ್ಯ ಯಾರು?
ಉದಯ್ ಸೂರ್ಯ ಅವರು ಬಿಗ್ ಬಾಸ್ ಒಟಿಟಿಯಲ್ಲಿ ಭಾಗವಹಿಸಿದ್ದರು. ಈಗ ಅವರು ಮತ್ತೆ ಬಿಗ್ ಬಾಸ್ ಮನೆಯೊಳಗಡೆ ಕಾಲಿಡುತ್ತಾರಾ ಅಂತ ಕಾದು ನೋಡಬೇಕಿದೆ. ಪ್ರೋಮೋ ನೋಡಿದರೆ ಅದರಲ್ಲಿರುವ ವ್ಯಕ್ತಿಗೂ ಉದಯ್ ಸೂರ್ಯ ಅವರಿಗೂ ಯಾವುದೇ ಹೋಲಿಕೆ ಕಂಡಂತಿಲ್ಲ.
ಅಸಲಿಗೆ ಮನೆಯೊಳಗಡೆ ಹೋದ ಪುರುಷ ಸ್ಪರ್ಧಿ ಯಾರು?
ಆರ್ಜೆ ಅಥವಾ ಉದಯೋನ್ಮುಖ ನಟ ಬಿಗ್ ಬಾಸ್ ಮನೆಗೆ ಹೋದಂತಿದೆ. ಅವರು ಯಾರು ಎಂದು ತಿಳಿದುಕೊಳ್ಳಲು ಬಿಗ್ ಬಾಸ್ ಕನ್ನಡ ಸೀಸನ್ 10 ಶೋನ ಇಂದಿನ ಎಪಿಸೋಡ್ ನೋಡಬೇಕಿದೆ.
ಸ್ಪರ್ಧಿಗಳಿಗೆ ನಡುಕ ಶುರು
ಇನ್ನು ವೈಲ್ಡ್ ಕಾರ್ಡ್ ಎಂಟ್ರಿ ಆಗುತ್ತಿದ್ದಂತೆ ಬಿಗ್ ಬಾಸ್ ಮನೆಯೊಳಗಡೆ ಸ್ಪರ್ಧಿಗಳಿಗೆ ಚಿಂತೆ ಶುರುವಾದ ಹಾಗಿದೆ. ಪ್ರೋಮೋದಲ್ಲಿ ಪವಿತ್ರ ಅವರು ಈ ಶಾಕ್ ಬೇಕು ಅವರಿಗೆ, ಬೆವರು ಇಳಿಸೋಣ ಅಂತ ಹೇಳಿದ್ದಾರೆ. ಇನ್ನು ವಿನಯ್ ಅವರು ಕಾರ್ತಿಕ್ ಬಳಿ ವೈಲ್ಡ್ ಕಾರ್ಡ್ ಎಂಟ್ರಿ ಆದರೆ ಹಾಟ್ ಸೀಟ್ಗಳಾಗುತ್ತವೆ ಎಂದು ಹೇಳಿದ್ದಾರೆ.
ಈಗ ಬಿಗ್ ಬಾಸ್ ಮನೆಯಲ್ಲಿ 12 ಸ್ಪರ್ಧಿಗಳು
ಈಗಾಗಲೇ ಸ್ನೇಕ್ ಶ್ಯಾಮ್, ಬುಲೆಟ್ ರಕ್ಷಕ್, ಭಾಗ್ಯಶ್ರೀ, ಈಶಾನಿ, ನೀತು ವನಜಾಕ್ಷಿ, ಗೌರೀಶ್ ಅಕ್ಕಿ ಅವರು ಮನೆಯಿಂದ ಹೊರಗಡೆ ಹೋಗಿದ್ದಾರೆ. ಈಗ ಬಿಗ್ ಬಾಸ್ ಮನೆಯೊಳಗಡೆ 10 ಸ್ಪರ್ಧಿಗಳಿದ್ದು, ಇಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಸೇರಿದರೆ 12 ಸ್ಪರ್ಧಿಗಳು ಆದ ಹಾಗೆ ಆಗುತ್ತವೆ. ನೀತು ಅವರು ಕಡಿಮೆ ಮತ ಪಡೆದು ಹೊರಗಡೆ ಹೋಗಿರೋದಿಕ್ಕೆ ಉಳಿದ ಸ್ಪರ್ಧಿಗಳು ತಲೆ ಕೆಡಿಸಿಕೊಂಡಿದ್ದರು. ಈಗ ಇಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಆಗಿರೋದಿಕ್ಕೆ ಮನೆಯಲ್ಲಿರೋರು ಹೇಗೆಲ್ಲ ಆಡುತ್ತಾರೋ ಏನೋ!